احلى مسجات حب للاحباب ، مسجات غرام مميزة

*****
695/ لاتفتكرني مختفي
او بالرسايل مكتفي
قلبي مشتاق لشوفتك
ولجلسه فيها نلتقي
*****
696/ لحظه وجودك عندي الكل مفقود
يصير هالكون كله مرايا
يصير كل الكون بعيوني ورود
وتضحك لي الدنيا دامك معايا
كف الغلا بأسمى معانيه ممدود
لمصافح كفوف ايدينك ضمايا
جيتك بقايا والامل فيك معقود
متأمل برضاك تجبر عزايا
جيتك من اعماق الزمن عمر معدود
لجلك تركت الكون كله ورايا
جيتك براءه طفل له يوم مولود
مادنست ذكراه كثر الخطايا
جيتك بعيوني شوق وامال ووعود
اسأل عيوني وانت تعرف خفايا
لولا الرجا ماجيت والباب مردود
جيتك بكف ورود وبكف هدايا
احضن طموحي دام هالعمر محدود
ولملم بقايا كان فيني بقايا
انفاسك وعطرك وعنبرك والعود
ماحبيت غيرك ياقلبي وهوايا
*****
697/ انا الرفيق اللي على دربك ارتاد
ولايردني عنك يوم الا وفاتي
عمر الصديق المخلص ماراح ينعاد
وش حيلتي لاغبت عن عيني وذاتي؟
*****
698/ ابأسألك يمكن انا القى جواب
قولي متى انا القى نهايه لعلتي
قولي متى انسى همومي والعذاب
ومتى على الله انتهي من وحدتي
اضحك وانا عايش بدنيا الاكتئاب
حتى الفرح قام يعادي بسمتي
ماعاد يانسني صديق او اصحاب
الا انتي ياسبه بكاي ودمعتي
مابي العواذل يكثرون من العتاب
ترى العتب لازاد ينهي فرحتي
لولا المحبه ماسألت ابغى الجواب
ولا اعترفت انك بديله لوحدتي
*****
699/ لاصرت تعرف قيمتك عند مغليك
وانك على عرش الخفوق متعلي
ابيك تعلن للخلايق تحديك
اني حبيبك وانت شوقي وخلي
*****
700/ امانه يوم توصلك الرساله تبتسم لاجلي
ترى منهو فقد مثلك تعب من كثر هوجاسه
وش الدنيا بدون اشخاص مثلك فكر وقلي
تراها في نظر منهو يعزك حيل منداسه
*****
701/ لاجارت ايامك ومالت لياليك
وغاب الذي في غيبتك حاسب له
اكتم جروحك لاتفرح معاديك
واصبر ترى كثرالشكاوي مذله
احذر تبين همك لشامت فيك
قول المثل لاتزود الطين بله
كلام منهو في زمانه يشاكيك
خبره شقى ماهي قراية مجله
*****
702/ منك وعليك وفيك كل الحلا ذاب
يامنتهى حلم الغلا والمحبه
عجزت اعرف بناظري سر الاعجاب
يامن عطاه احلى حلى الناس ربه
ثقل وعقل واسلوب ساحر وجذاب
ياكيف فيك ماتزيد المحبه؟
*****
703/ ماتطاوعني حروفي والقصايد ماتهاب
والوله لو باح سره مايكفيه الورق
لك مكان لو عرفته ماهنا نومك وطاب
ولك حنين في فؤادي من لهيبه احترق
ان بغيت اكتب شعوري انقفل للبوح باب
ولاذكرتك بين ناسي غاب فكري وانسرق
*****
704/ غصب علي ابكيك لاحل طاريك
تنزل دموع العين ماشاورتني
من عاد ابكي غيرك ان كان ماابكيك
جربت فرقى غيركم واضحكتني
قبل الكفن والقبر ماني بناسيك
ودي بقربك لكن الظروف حرمتني
*****
705/ تبي الصراحه ماعرفنا نواياك
تشد الحبل ثم ترجع وترخيه
لك مده وانت تكرر خطاياك
ماني بجاهل تزعله ثم ترضيه
ان كنت ناوي بالهجر مامنعناك
قبلك فقدنا من نعزه ونغليه
*****
706/ عزت علي نفسي لااقول مشتاق
خوفي تذوب الروح مع كل غيبه
انا اشهد ان لك داخل الصدر خفاق
وان لك بقلبي ود ومحبه
ويجذبني لك ذوقك مع حلو الاخلاق
*****
707/ احضن خيالك بين جفنين واهداب
واسمع نغم صوتك ولو كنت غايب
قلبي يناديك مع شوق وعتاب
مل انتظاري والحزن فيه ذايب
تعال نقضي باقي العمر احباب
نكتب على صفحه هوانا حبايب